შვედებმა მოგვიგეს და მეორე ადგილი დავუთმეთ, მაგრამ შანსი რჩება

საქართველოს 21-წლამდე ნაკრები 2025 წლის ევროპის ჩემპიონატის შესარჩევი ციკლის უმნიშვნელოვანეს, შესაძლოა გადამწყვეტ შეხვედრაში შვედეთთან დამარცხდა – 2:3.

თამაში ჩვენთვის შესანიშნავად დაიწყო. მე-12 წუთზე ნოდარ ლომინაძის ლამაზი გოლით წინ გავედით. თუმცა მალევე მასპინძლებმა ჩვენი დაცვის შეცდომებით ისარგებლეს და 23-ე წუთზე ჯერ წონასწორობა აღადგინეს, ხოლო 37-ე წუთზე წინაც გავიდნენ.

მეორე ტაიმიც ცუდად დავიწყეთ. უკვე 47-ე წუთზე შვედების სწრაფი კონტრშეტევა გოლით დასრულდა. თუმცა მასპინძლებმა სერიოზული შეცდომა თავადაც დაუშვეს: მეკარემ უკან დაბრუნებული ბურთი ვერ შეიმაგრა და კურიოზული გოლი გავიდა – 3:2.

ამის შემდეგ ჩვენებმა შეუტიეს, შანსებიც ჰქონდათ, მაგრამ თამაშის გადარჩენა ვეღარ მოხერხდა. ისიც უნდა ითქვას, რომ კონტრშეტევებზე მასპინძლებიც სახიფათო იყვნენ და ერთ ეპიზოდში ძელმა გადაგვარჩინა.

იენჩეპინგი. «სტადსპარკსვალენი“
შვედეთი – საქართველო 3:2
გოლები: 0:1 ლომინაძე (12), 1:1 ონდრეიკა (23), 2:1 სვედბერგი (38), 3:1 ერაბი (47), 3:2 დოვინი (51, საკ. კარში)

საქართველო: ხარატიშვილი, აზაროვი, უგრეხელიძე, ხვადაგიანი, მაისურაძე (გოცირიძე 88), ოსიყმაშვილი (აბუაშვილი 46), ო. მამაგეიშვილი (ეგოიანი 88), ლომინაძე, გ. მამაგეიშვილი (გორდეზიანი 64), ოდიშარია (მამაცაშვილი 79), კვერნაძე

7 ტურის შემდეგ 16 ქულით ჯგუფში მე-3 ადგილზე ვართ და მეორე ადგილი უკვე 17-ქულიან შვედეთს დავუთმეთ.
ჯგუფი უკვე მოიგო ნიდერლანდებმა, რომელიც ბოლო ტურში შვედეთს უმასპინძლებს და იმედი ვიქონიოთ, რომ არ წააგებს. ჩვენ კი 15 ოქტომბერს, ქუთაისში ჩრდილოეთ მაკედონიას უნდა მოვუგოთ.