ყატარის მუნდიალზე ფანებს უდაბნოში განათავსებენ

2022 წლის მსოფლიო ჩემპიონატის კომუნიკაციების კომიტეტის აღმასრულებელი დირექტორი ფატმა ალ-ნაიმი საუბრობს ტურნირის დროს გულშემატკივრების განთავსების ორგანიზებაზე.

„ჩვენ ყველასთვის საუკეთესო გამოსავალს ვეძებთ. იქნება რამდენიმე ვარიანტი: სასტუმროები, მცურავი სასტუმროები, აპარტამენტები. ასევე შესაძლებელი იქნება ფანების კემპინგში ცხოვრება უდაბნოში – მშვენიერია მათთვის, ვისაც სურს უკეთ გაიცნოს არაბული კულტურა.

რაც შეეხება ფასებს. არსებობს მოსაზრება, რომ ყატარი ძვირი ქვეყანაა მხოლოდ 5-ვარსკვლავიანი სასტუმროებით. ასე არ არის: თითოეული გულშემატკივარი თავისთვის საუკეთესო ვარიანტს მოძებნის. ჩემპიონატის მოახლოებისთვის ყველა პროგრამის შესახებ დაწვრილებით მოგიყვებით.

ჩვენთვის გულშემატკივრების უსაფრთხოება და კომფორტი – ყველაზე მნიშვნელოვანია“, – თქვა ალ-ნაიმიმ.