ქოჩორა ბოლო წუთზე შევიდა და… სპორტინგმა მოგებული წააგო

გიორგი ქოჩორაშვილის „სპორტინგს“ უჩვეულო რამ დაემართა: თითქმის მოგებული თამაში წააგო კომპენსირებულ დროში.

ლისაბონელები პორტუგალიის ლიგის თასის ნახევარფინალში გიმარაეშის „ვიტორიასთან“ დამარცხდნენ – 1:2.
„სპორტინგი“ 1:0-ს იგებდა, მაგრამ წამატებულ დროში ორი გოლი გაუშვა და გავარდა.

ქართველი ნახევარმცველი გიორგი ქოჩორაშვილი კვლავ თადარიგში იყო და მოედანზე მხოლოდ 90+1-ე წუთზე შევიდა. ჩვენიანმა ყვითელი ბარათის მიღება მოასწრო.

სპორტინგი – ვიტორია 1:2
გოლები: 1:0 სუარესი (13), 1:1 ნდოიე (90+2), 1:2 ნდოიე (90+11)

„სპორტინგს“ მომდევნო მატჩი 14 იანვარს უწევს, ასოციაციის თასის მეოთხედფინალში „ავეშთან“.