ქოჩორაშვილის შეძენას ნაპოლი და სპორტინგი შეეცდებიან

საქართველოს ნაკრებსა და “ლევანტეში” წარმატებული ასპარეზობის შედეგად, 25 წლის ნახევარმცველით, გიორგი ქოჩორაშვილით არაერთი კლუბი დაინტერესდა.

სატრანსფერო ექსპერტი ეკრემ კონური თავის “ტვიტერზე” წერს, რომ “ნაპოლი” და “სპორტინგი” მზად არიან ქოჩორაშვილში “ლევანტეს” 7-10 მილიონი ევრო შესთავაზონ. ადრე კონურმა გაავრცელა ინფორმაცია, რომ ქოჩორაშვილით “ტრაპზონსპორია” დაინტერესებული.

ლისაბონური კლუბი უკვე სერიოზულად არის დაინტერესებული ქართველით და პორტუგალიელი ჟურნალისტები მის თამაშს განიხილავენ.

გიორგის, რომლის ღირებულება transfermarkt-ის მიხედვით 4 მილიონი ევროა, “ლევანტესთან” კონტრაქტი 2027 წლის ზაფხულამდე აქვს გაფორმებული, ამ გუნდმა გუშინ სეგუნდა დივიზიონის 32-ე ტურში სახლში “კატსელონს” 3:2 მოუგო, 59
ქულით ლიდერია და თუ ლა ლიგაში გადავიდა, ძნელი წარმოსადგენია ერთ-ერთ ლიდერს შეელიოს.

sportall.ge