ქეცბაია ანორთოსისიდან გაუშვეს

თემურ ქეცბაია კვიპროსის “ანორთოსისის” მწვრთნელი აღარ არის. ამაზე თავად კლუბმა განაცხადა.

ქართველმა სპეციალისტმა „ანორთოსისი” სექტემბერში ჩაიბარა. სულ 20 მატჩი ჩაატარა, 5 მოიგო, 7 ფრედ დაასრულა და 8 წააგო.
ბოლოს “ხლორაკასთან” დამარცხდა – 0:2.

57 წლის ქეცბაიას კონტრაქტი 2028 წლის ზაფხულამდე ჰქონდა.

„ანორთოსისი” 20 ქულით მე-12 ადგილზეა და ლიგაში ადგილის შენარჩუნებისთვის იბრძოლებს.

ქეცბაიას ხელმძღვანელობით “ანორთოსისმა” ადრე ორჯერ მოიგო კვიპროსის ჩემპიონატი (2005 და 2008 წლებში), კვიპროსის თასი (2007 და 2021 წლებში) და ერთხელ კვიპროსის სუპერთასი (2007).