ევროპის ჩემპიონატის შემდეგ გერმანულმა ინტერნეტსააგენტო “ტრანსფერმარკტმა” მონაცემები განაახლა და გერმანიის სტადიონებზე წარმატებით მოთამაშე ქართველ ფეხბურთელებს ფასი მოუმატა, ხოლო ცვენი მეკარე გიორგი მამარდაშვილი სულაც მსოფლიოში ყველაზე ძვირად ღირებული გახდა პორტუგალიელ დიეგო კოსთასთან ერთად.
მამარდას ფასი 45 მილიონ ევრომდე გაიზარდა (ბოლოს 35 მლნ იყო).
ასევე გაიზარდა ევროპის ჩემპიონატის თანაბომბარდირისა და „ოქროს ბუცის“ მფლობელის, გიორგი მიქაუტაძის შეფასება, 15 მილიონის ნაცვლად, მის გრაფაში ახლა 20 მილიონი წერია.
გაიზარდა გიორგი ქოჩორაშვილის (1-დან 2.5 მილიონამდე), ლაშა დვალისა (900 ათასიდან 1.5 მილიონამდე) და ოთარ კაკაბაძის (600 ათასიდან 1 მილიონამდე) სატრანსფერო ღირებულებაც.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
ყველაზე ძვირად ღირებული ქართველი ფეხბურთელების ხუთეული:
ხვიჩა კვარაცხელია, „ნაპოლი“: 80 მილიონი ევრო
გიორგი მამარდაშვილი, „ვალენსია“: 45 მილიონი ევრო
გიორგი მიქაუტაძე, „მეცი“: 20 მილიონი ევრო
ოთარ კიტეიშვილი, „შტურმი“: 5 მილიონი ევრო
ირაკლი აზაროვი, „შახტარი“: 3.5 მილიონი ევრო
GIPHY App Key not set. Please check settings