ფრე ხორვატებთან და გასვლის შანსი: ჩვენმა მეკარემ 33 დარტყმა მოიგერია

საქართველოს ნაკრებმა ფუტსალის ევროპის ჩემპიონატზე ჯგუფური ტურნირის მეორე მატჩი ხორვატიასთან ფრედ ითამაშა – 2:2.

ეს ქულა გვიტოვებს მცირე შანსს პლეი-ოფში გასასვლელად. ჯგუფის ბოლო ტურის მატჩს ჩვენი გუნდი 28 იანვარს საფრანგეთის ნაკრებთან გამართავს (19:30 სთ).

მატჩის გმირი და საუკეთესო მოთამაშე საქართველოს ნაკრების მეკარე ალი ასლანი გახდა, რომელმაც 33-ჯერ მოახერხა გუნდის გადარჩენა, მათ შორის პენალტი მოიგერია თამაშის დასრულებამდე ერთი წუთით ადრე.

პირველი ტაიმი ხორვატების სრული უპირატესობით წარიმართა. თუმცა საქართველო მე-6 წუთზე სეკულიჩის ავტოგოლით დაწინაურდა. ტაიმის ბოლოს ხორვატებმა წონასწორობა აღადგინეს.
მეორე ტაიმის დასაწყისში მეტოქე წინ გავიდა.
3 წუთში სამწუხაროდ ღავთაძემ პენალტი ვერ გამოიყენა.
საბოლოო ანგარიში კი 35-ე წუთზე კეკელიამ დააფიქსირა.