ფოტო: დიდი ადამიანი – როგორ მოიქცა მესი პსჟ-სთან წაგების შემდეგ

ლიონელ მესის „ინტერ მაიამიმ“ 2025 წლის საკლუბო მსოფლიო ჩემპიონატზე მონაწილეობა დაასრულა, მერვედფინალში პსჟ-სთან 0:4 დამარცხდა.

მარცხის მიუხედავად, მესიმ საფინალო სასტვენის შემდეგ ღიმილის მიზეზი იპოვა, როდესაც ყოფილ თანაგუნდელ აშრაფ ჰაკიმისთან თბილი საუბარი ჰქონდა.

ფეხბურთელები ცოტა ხანს ჩაეხუტნენ და ისაუბრეს, შემდეგ კი არგენტინელმა გადაწყვიტა, აშრაფის ბრწყინვალე თამაშის ჯილდოდ მაროკოელთან მაისურები გაეცვალა. თუმცა მოგვიანებით გაირკვა, რომ მესიმ რამდენიმე მაისური მოამზადა – მან ისინი უსმან დემბელესთანაც გაცვალა, რომელიც მასთან ერთად „ბარსელონაში“ თამაშობდა.

ინტერნეტში გამოჩნდა ფოტო, სადაც ისინი ტრიბუნის ქვეშ ჩახუტებული არიან, შემდეგ კი ერთად მიდიან, მხარდამხარ და ხალისიანად საუბრობენ. დემბელეს სახეზე ლეოსთან შეხვედრის სიხარული აშკარად იგრძნობა.

„მიხარია შენი კვლავ ნახვა, ლიონელ მესი, უდიდებულესო. იმედი მაქვს, რომ ისტორიის შექმნას გააგრძელებ“, – მიაწერა დემბელემ მატჩის შემდეგ ერთობლივი ფოტოს ქვეშ.

დემბელემ კი მესის გარდა, ყოფილ “ბარსელონელებს”, ჟორდი ალბას და ლუის სუარესსაც გამოართვა მაისურები.