ფიფას ეშინია, რომ რუსეთის გარიყვის გამო არჩევანი არ ექნება და აშშ-ს დასჯაც მოუწევს: ტრამპი და გრენლანდია ფეხბურთს გადმოსწვდა

ფიფა განიცდის ტრამპის გრენლანდიასთან დაკავშირებული პოზიციის გამო.

ფიფას და უეფას მაღალი თანამდებობის პირები სერიოზულად არიან შეშფოთებული თუ რა გავლენა შეიძლება მოახდინოს დონალდ ტრამპის გრენლანდიისადმი ინტერესმა 2026 წლის მსოფლიო ჩემპიონატსა და ზოგადად ფეხბურთზე.

The Independent-ის ცნობით, ამ საკითხის განსახილველად ოფიციალური შეხვედრები ჯერ არ გამართულა, ყველა ჯანი ინფანტინოს რეაქციას ელოდება.

ფიფას ხელმძღვანელთან დაახლოებული წყარო მიიჩნევს, რომ ის „ის შეშფოთებული უნდა იყოს იმით, თუ რა შეიძლება ამას მოყვეს“. სხვა წყაროები მიიჩნევენ, რომ აშშ-ის პრეზიდენტის სიტყვები საბოლოოდ მხოლოდ სიტყვებად დარჩება, როგორც ეს ადრეც არაერთხელ მომხდარა.

გამოცემა ხაზს უსვამს, რომ ოფიციალური პირები შეშფოთებული არიან იმით, რომ რუსეთის საერთაშორისო ტურნირებში მონაწილეობის აკრძალვა მანევრის საშუალებას აღარ ტოვებს, თუ ტრამპი აქტიურად იმოქმედებს.

ერთი წყაროს ცნობით, ინფანტინო მიიჩნევს, რომ მას შეუძლია დაეყრდნოს აშშ-ის პრეზიდენტთან კარგ ურთიერთობას, მაგრამ სახელმწიფოს მეთაური ფიფას ლიდერს „სასარგებლო იდიოტად“ მიიჩნევს.

ფიფას რიგი მაღალი თანამდებობის პირები მიიჩნევენ, რომ მათმა ორგანიზაციამ უფრო მკაცრი პოზიცია უნდა დაიკავოს და მსოფლიო ჩემპიონატის გადატანით დაიმუქროს.

ევროპა აშშ-ს მსოფლიო ჩემპიონატის ბოიკოტით ემუქრება: მიზეზი ტრამპის გრენლანდიური ამბიციაა

ამასობაში გერმანელების უმრავლესობამ მხარი დაუჭირა მსოფლიო ჩემპიონატის ბოიკოტის იდეას, თუ შეერთებული შტატები გრენლანდიის ანექსირებას მოახდენს.

ახალი სოციალური პასუხების ინსტიტუტმა (INSA) 1002 ადამიანის გამოკითხვა ჩაატარა. 47%-მა ბოიკოტის ვარიანტი დადებითად შეაფასა, 35%-მა უარყოფითად, ხოლო 18% პასუხზე ვერ ჩამოყალიბდა.

2026 წლის მსოფლიო ჩემპიონატი შეერთებულ შტატებში, კანადასა და მექსიკაში 11 ივნისიდან 19 ივლისამდე გაიმართება.