ფეხბურთით სულ უფრო ცოტა ბავშვი ინტერესდება: აჩი არველაძე

ვეტერანმა ქართველმა ფეხბურთელმა არჩილ არველაძემ უცხოურ მედიაში ქართულ ფეხბურთში არსებულ პრობლემებზე ისაუბრა. არველაძე მიიჩნევს, რომ მთავარი პრობლემა, რის გამოც ქართული ფეხბურთი ამდენია ხანია წინ ვერ მიდის და ვერ ვითარდება, ბავშვების მხრიდან დაინტერესების შემცირებაა.

“პოსტსაბჭოთა ქვეყნების ახალგაზრდულ ნაკრებებს რომ ჩავხედოთ, 2-3 ქართველს ყველგან აღმოვაჩენთ, განსაკუთრებით: რუსეთში, უკრაინაში, ბელარუსში, ასევე, ევროპაში წასული ძალიან ბევრი ფეხბურთელი გვყავს. არ უნდა დაგვავიწყდეს, რომ იმავე პერიოდში სასკოლო სპორტული კომიტეტები და, ზოგადად, ინფრასტრუქტურა ძალიან განვითარებული იყო – არ არსებობდა სკოლა და უნივერსიტეტი, რომელსაც საფეხბურთო გუნდი არ ჰყავდა. დღეისათვის ფინანსური და ინფრასტრუქტურული პრობლემები შეიქმნა, რამაც სტატისტიკაზეც იქონია გავლენა. ამიტომ აქვს ძალიან დიდი მნიშვნელობა, რომ ინფრასტრუქტურა გამართული იყოს, რომ ბავშვს ფეხბურთზე შესვლა მოუნდეს”, – აღნიშნა არჩილ არველაძემ.

ვიდეო: ჟურნალისტური გამოძიება – არველაძეებმა ისევ გაგვახალისეს

შოთა არველაძე: ნიდერლანდებიდან, თურქეთიდან და ყატარიდან მაქვს შემოთავაზებები