სერია ა-ში თვის მოთამაშე ისევ ნაპოლის ფეხბურთელია

„ნაპოლის“ მცველი კიმ მინ ჯე იტალიის ჩემპიონატის თვის საუკეთესო ფეხბურთელად მიიჩნიეს. 25 წლის კორეელმა გამოკითხვაში გაიმარჯვა.

ამ ჯილდოზე სექტემბერში პრეტენზიას აცხადებდნენ ტეო ერნანდესი („მილანი“), სერგეი მილინკოვიჩ-სავიჩი („ლაციო“), ბეკაო („უდინეზე“) და მერიხ დემირალი („ატალანტა“).

სექტემბერში ხვიჩა კვარაცხელიას თანაგუნდელმა 2 მატჩი ითამაშა, 1 გოლი გაიტანა და გუნდს დაეხმარა გასვლითი თამაშები მოეგო „ლაციოსთან“ და „მილანთან“.

შეგახსენებთ, აგვისტოს საუკეთესო ფეხბურთელი „ნაპოლის“ ქართველი ახალწვეული კვარაცხელია გახდა. ნეაპოლელებმა კორეელიც სეზონის წინ დაიმატეს.