საქართველო რთულ ჯგუფში მოხვდა: წილისყრამ ძველი ნაცნობები შეგვახვედრა

ციურიხში, 2026 წლის მსოფლიო ჩემპიონატის საკვალიფიკაციო ეტაპის წილისყრა გაიმართა.

საქართველოს ნაკრები ოთხგუნდიან E ჯგუფში მოხვდა, სადაც ჩვენი გუნდის მეტოქეები თურქეთი, ბულგარეთი და ესპანეთი-ნიდერლანდების წყვილში გამარჯვებული იქნებიან.

ბულგარეთს ახლახან ვეთამაშეთ ერთა ლიგის შესარჩევში, თურქეთი ევრო 2024-ზე გვყავდა, ესპანეთს ხომ სულ ვხვდებით, ნიდერლანდებიც მოვსინჯეთ ამხანაგურში. ასე რომ, უცნობი არცერთი არ არის.

მსოფლიო ჩემპიონატის საგზურს ჯგუფების გამარჯვებულები მიიღებენ, მეორეადგილოსნები კი, ბრძოლას პლეი-ოფში გააგრძელებენ. E ჯგუფის მონაწილეებისთვის საკვალიფიკაციო ეტაპი 2025 წლის სექტემბერში დაიწყება.