საქართველომ თურქეთი დაამარცხა და მე-9 ადგილისთვის საფრანგეთს შეხვდება

ევროპის ჩემპიონატზე საქართველოს ნაკრებმა მეორე ჯგუფური ეტაპის ბოლო მატჩი თურქეთთან ითამაშა და მოიგო – 14:11.

მატჩის გამარჯვებული მეორე ჯგუფურ ეტაპზე მე-5 ადგილს დაიკავებდა და საბოლოოდ მე-9 ადგილისთვის იბრძოლებდა და სწორედ ეს იდო სასწორზე.

შეხვედრა დაძაბული გამოვიდა, სამი მეოთხედი თანაბარ ბრძოლაში წარიმართა, ჩვენებმა გადამწყვეტი უპირატესობა ბოლო მეოთხედში მოიპოვეს:პირველ სამ წუთში ოთხი უპასუხო ბურთი შეაგდეს.

საქართველოს ნაკრები ბელგრადში კიდევ ერთ მატჩს გამართვს: მე-9 ადგილის დასაკავებლად ქართველი წყალბურთელები 22 იანვარს საფრანგეთს შეხვდებიან (18:15 სთ).

საქართველო- თურქეთი 14:11 (1:3, 5:3, 2:3, 6:2)

საქართველო: რაზმაძე, ტყეშელაშვილი (2), დადვანი (3), ბითაძე, ვასიჩი (4), ადეიშვილი (1), სარიჩი, იმნაიშვილი, მაგრაქველიძე (1), ტანკოვიჩი (1), პიეშივაცი, გვეტაძე, ვლანოვიჩი (1), ჩიქოვანი (1)