საკლუბო მუნდიალის რეიტინგი: ტოპ 10-ში მარტო ევროპაა, პსჟ მესამეა

ფეხბურთელები მსოფლიოს სხვადასხვა კუთხიდან აშშ-ში იკრიბებიან, სადაც 15 ივნისს კლუბების მსოფლიო ჩემპიონატი იწყება. ტურნირში 32 კლუბი მიიღებს მონაწილეობას.

შეჯიბრის დაწყებამდე, The Athletic-მა მსოფლიო ჩემპიონატის ყველა მონაწილის რეიტინგი შეადგინა. გამოცემის ჟურნალისტები აღნიშნავენ: „ეს არ არის მხოლოდ რეიტინგი, რომელიც დაფუძნებულია იმაზე, თუ რამდენად კარგია თითოეული გუნდი. ჩვენ გამოვიყენეთ მეტრიკები, რომლებიც ზომავს მოედანზე შესრულებას, მაგრამ ასევე დაინტერესებული ვიყავით კლუბების შედარებით მათი გლობალური პროფილისა და ფინანსური სიძლიერის თვალსაზრისით“.

რეიტინგის ავტორები თავიანთ ნაშრომში ხუთ კრიტერიუმს ეყრდნობოდნენ:

Opta Club Ratings, რომელიც მსოფლიოს ყველა კლუბს 100-ბალიან ქულას ანიჭებს მოწინავე სტატისტიკისა და ბოლოდროინდელი შედეგების საფუძველზე;
ბოლო ხუთი წლის განმავლობაში ტრანსფერებზე გაწეული ჯამური ხარჯები;
საშუალო საშინაო დასწრება 2024/25 წლების სეზონში;
სოციალურ ქსელებში გამომწერების საერთო რაოდენობა;
კონტინენტურ ტურნირებში გამარჯვებების მხოლოდ უმაღლესი დონის შეჯიბრებები განიხილებოდა – მაგალითად, ჩემპიონთა ლიგა, მაგრამ არა ევროპა ლიგა.

ავტორებმა თითოეული კლუბი თითოეულ კატეგორიაში შეაფასეს ერთიდან 32-მდე ქულით, შემდეგ კი შედეგი ხუთზე გაყვეს საერთო ქულის მისაღებად – რაც უფრო დაბალია ქულა, მით უფრო მაღალია კლუბის რეიტინგი.

მსოფლიო ჩემპიონატის 10 საუკეთესო კლუბი The Athletic-ის ვერსიით:

10: ბენფიკა, The Athletic-ის რეიტინგი – 59;
9: იუვენტუსი – 51.5;
8: ატლეტიკო – 49.5;
7: ბორუსია დორტმუნდი – 49;
6: ჩელსი – 42;
5: ინტერი – 34.5;
4: მანჩესტერ სიტი – 31.5;
3: პსჟ – 28.
2: მადრიდი – 26.5.
1: ბაიერნი – 22.