საზონოვის დებიუტი იტალიაში: ტორინომ წააგო

შედგა კიდევ ერთი ქართველის დებიუტი სერია ა-ში: საბა საზონოვმა „ტორინოში“ პირველი მატჩი ითამაშა. ჩვენიანის გუნდი სტუმრად „ლაციოსთან“ 0:2 დამარცხდა.

27-ე წუთზე ალესანდრო ბონჯორნო დაშავდა და ტურინელთა მწვრთნელმა, ივან იურიჩმა მოედანზე ქართველი მცველი შეუშვა.

საზონოვს გაშებულ გოლებში უშუალო ბრალი არ მიუძღვის, თუმცა მეორე ეპიზოდში თითქოს შეიძლებოდა პარტნიორის დაზღვევა.

Flashscore.com-მა საბას 6.5 დაუწერა, Sofascore.com-მა – 6.6, ხოლო Whoscored.com-მა – 6.4.

6 ტურის შემდეგ „ტორინოს“ 8 ქულა აქვს და მე-10 ადგილზეა.

2 ოქტომბერს ტურინელები „ვერონას“ უმასპინძლებენ.