რუსი კომენტატორი: შენგელიას ირგვლივ ძლიერი გუნდის აწყობა შეიძლება

რუსმა კალათბურთის კომენტატორმა ვლადიმირ გომელსკიმ თავის ონლაინ კონფერენციაზე გულშემატკივრების კითხვებს უპასუხა და მათ შორის საქართველოს ნაკრებისა და მოსკოვის ცსკა-ს ლიდერ თორნიკე შენგელიაზე ისაუბრა.

“თორნიკე შენგელია უმაღლესი კლასის კალათბურთელია, მაგრამ იმისათვის, რომ მან კალათაში ბურთი მოათავსოს აუცილებელია თანაგუნდელებმა სივრცე შეუქმნან და პასი მისცენ. თოკოს ირგვლივ შეიძლება ძლიერი გუნდის აწყობა, მაგრამ მას სჭირდება გვერდით ისეთი კალათბურთელები, რომლებიც ზუსტ პასებს გაუკეთებენ და სივრცეებს შეუქმნიან. ცსკა-ში კი, ასეთი კალათბურთელები არ არიან”, – თქვა გომელსკიმ.