რონალდო ოქროს კვერცხისმდებელია: კრიშტიანომ მაისურების გაყიდვების რეკორდი დაამყარა

„მანჩესტერმა“ დაადასტურა, რომ „იუვენტუსისგან“ წაყვანილი კრიშტიანო რონალდო თავისი ძველი, 7 ნომრით ითამაშებს.

ამის შემდეგ კლუბის ოფიციალურმა ონლაინ-მაღაზია United Direct-მა არნახული შეკვეთები მიიღო.

„იუნაიტედმა“ პირველ დღესვე მსოფლიო რეკორდი დაამყარა ონლაინ-მაღაზიისთვის ერთი დღის განმავლობაში გაყიდული სპორტული ატრიბუტიკის რაოდენობით ჩრდილოეთ ამერიკის მიღმა.

პორტალ LovetheSales.com-ის მონაცემებით, „მანჩესტერის“ მაღაზიამ თითქმის 400 ათასი შეკვეთა მიიღო რონალდოს ნომრიან ახალ მაისურებზე.

ზოგიერთ გულშემატკივარს შეტყობინება მიუვიდა, რომ შეკვეთას ოქტომბერში მიართმევენ.

მაისურების გარდა, ბრენდი CR7 კიდევ არაერთ მილიონს მოუტანს ისედაც მძლავრ „იუნაიტედს“. რონალდო ნამდვილი ოქროს საბადოა.

და კიდევ: 11 სექტემბერს „მანჩესტერი“ პრემიერლიგაში „ნიუკასლს“ ეთამაშება და სწორედ ამ მატჩში უნდა შედგეს რონალდოს დაბრუნება. ბილეთები კი… 3 ათას ფუნტად იყიდება.