რეკორდი: ტოპ-5 ლიგაში 10 ქართველია

საქართველოს ნაკრების მარჯვენა მცველი გიორგი გოჩოლეიშვილი კარიერას „ჰამბურგში“ განაგრძობს. ის მეათე მოთამაშე გახდა, რომელიც ახალ სეზონში ევროპის ტოპ-5 ლიგაში ითამაშებს.

ეს რეკორდული ციფრია, რადგან ერთდრულად ათ ქართველ მოთამაშეს ევროპის საუკეთესო ლიგებში არ უთამაშიათ. შეგახსენებთ, რომ გერმანიის ერთ-ერთი ყველაზე ტრადიციული და ტიტულოვანი კლუბი „ჰამბურგი“ ბუნდესლიგაში ხანგრძლივი პაუზის და ბრძოლის შემდეგ დაბრუნდა.

ყველაზე მეტი, ოთხი ფეხბურთელი საფრანგეთის ლიგა 1-შია, სამი მოთამაშეა იტალიის სერია A-ში, ორი – გერმანიის ბუნდესლიგაში, ერთი ინგლისის პრემიერლიგაში. ეს ქართული ფეხბურთის ისტორიული რეკორდია.

ჯერ უცნობია, „კრემონეზეს“ ძირითად გუნდში დაწინაურებული 20 წლის ქართველი ტალანტი იტალიის სერია A-ს გუნდში დარჩება თუ იჯარით სხვაგან ითამაშებს. თუმცა, ტოპლიგებში 9 მოთამაშეც არასოდეს გვყოლია.

ქართველი ფეხბურთელები ტოპ-5 ლიგებში

საფრანგეთის ლიგა 1

ხვიჩა კვარაცხელია, პსჟ
გიორგი მიქაუტაძე, ლიონი
გიორგი წიტაიშვილი, მეცი
გიგი აბუაშვილი, მეცი

იტალიის სერია A

საბა გოგლიჩიძე, უდინეზე
საბა საზონოვი, ტორინო
დაჩი ლორთქიფანიძე, კრემონეზე

გერმანიის ბუნდესლიგა

ბუდუ ზივზივაძე, ჰაიდენჰაიმი
გიორგი გოჩოლეიშვილი, ჰამბურგი

ინგლისის პრემიერლიგა

გიორგი მამარდაშვილი, ლივერპული

1tv.ge