რა ღირს მესის და რონალდოს სათამაშო მაისური? პასუხი არსებობს

რამდენად შეგიძლიათ შეიძინოთ ლიონელ მესის ან კრიშტიანო რონალდოს მაისური? ის, რაც მათ ეცვათ მატჩზე და არა ასლი.

რონალდოს მაგალითი გამოვიანგარიშოთ. პორტუგალიელს 1261 პროფესიონალური მატჩი აქვს ჩატარებული კლუბებსა და ეროვნული ნაკრების შემადგენლობაში. გავამრავლოთ ეს ორზე და მივიღებთ დაახლოებით 2.5 ათას მაისურს (ორზე ვამრავლებთ, რადგან თითო მატჩზე მინიმუმ ორ მაისურს იყენებენ). შანსები, რომ ათობით მათგანი აუქციონზე აღმოჩნდეს, ძალიან დიდია.

პოპულარული ვებსაიტის MatchWornShirt-ის შემქმნელებმა განმარტეს, თუ როგორ ხვდება თამაშის მაისური მყიდველამდე. ისინი მოლაპარაკებას აწარმოებენ იმ ადამიანთან, ვინც მათ ასეთი მაისურის მიწოდებას შეძლებს და შემდეგ აუქციონზე გააქვთ. მეტიც, გაყიდვა შეიძლება დაიწყოს იმ მომენტში, როდესაც ფეხბურთელი ჯერ კიდევ თამაშობს.

ასე იყო კოულ პალმერის შემთხვევაში. მაისური, რომელიც მას ეცვა, როდესაც მან ოთხი გოლი გაიტანა „ბრაიტონთან“ 2024 წლის სექტემბერში. „ჩელსის“სინგაპურელმა გულშემატკივარმა თამაშის დროს გადაიხადა 41 127 ევრო.

ძნელი მისახვედრი არ არის, რომ ყველაზე ძვირადღირებული გაყიდვების ტოპ 10-ში ორი მოთამაშე დომინირებს: ლეო მესი (6 მაისური) და კრიშტიანო რონალდო (2 მაისური).

მეათე ადგილი კილიან მბაპეს ეკუთვნის, რომლის პსჟ-ს მაისური, რომელიც „ნიუკასლთან“ ჩემპიონთა ლიგაზე გამარჯვების დროს (4:1, 2023 წლის სექტემბერი) ეცვა, 35 748 ევროდ დაჯდა.

რონალდოს მაისური, რომელიც ბოლოს „მანჩესტერ იუნაიტედში“ ეცვა (2023 წლის ნოემბერი „ასტონ ვილას“ წინააღმდეგ), გაიყიდა 45 012 ევროდ.

აუქციონზე ნაყიდი 10 ყველაზე ძვირადღირებული მაისური:

ლიონელ მესი – 55 019 ევრო;
ლიონელ მესი – 50 517 ევრო;
კრიშტიანო რონალდო – 45 012 ევრო;
ლიონელ მესი – 43 623 ევრო;
კრიშტიანო რონალდო – 43 206 ევრო;
ლიონელ მესი – 42 786 ევრო;
კოულ პალმერი – 41 127 ევრო;
ლიონელ მესი – 37 405 ევრო;
ლიონელ მესი – 35 869 ევრო;
კილიან მბაპე – 35 748 ევრო.

არის კიდევ ერთი ლოგიკური კითხვა: როგორ შეგიძლიათ დარწმუნებული იყოთ, რომ მაისური ნამდვილია? MatchWornShirt-ს ამის შესამოწმებლად შესანიშნავი საშუალება აქვს. ისინი იყენებენ Fabricks-ის ჩიპებს, რომლებიც ჩადგმულია ყველა მაისურზე, რომელსაც კომპანია ყიდის NFC ტექნოლოგიის გამოყენებით.