რა თქმა უნდა: ხვიჩა ტურის სიმბოლურშია

ხვიჩა კვარაცხელიამ მაგარი მატჩი ჩაატარა ბოლოს ლიგა 1-ში, ორი გოლი გაიტანა და საუკეთესო მოთამაშეც გახდა, როდესაც პსჟ-მ „რენი“ 5:0 გაანადგურა.

ქართველი თავდამსხმელი ერთდროულად რამდენიმე გამოცემამ გამოარჩია.

Sofascore-მა ხვიჩას 9.7 ქულა დაუწერა და ტურის საუკეთსო მოთამაშედ აღიარა.

ფრანგულმა „ეკიპმა“ ტურის სიმბოლურ ნაკრებში პარიზული გუნდიდან მხოლოდ კვარაცხელია და სენი მაიულუ შეიყვანა.

„კვარაცხელიამ შთამბეჭდავად ითამაშა. ბურთთან ყველა შეხება მეტოქეს ხიფათს უქმნიდა. მცველებსაც აქტიურად ეხმარებოდა. ეს შეხვედრა აქტივში უნდა ჩავუთვალოთ“.