რა დაუწერეს ხვიჩას საჩემპიონო მატჩში

ხვიჩა კვარაცხელია იტალიის ჩემპიონი გახდა. „ნაპოლიმ“ საჩემპიონო ქულა უდინეში მოიპოვა, სადაც 1:1 ეთამაშა „უდინეზეს“.

კვარაცხელია ძირითადში იყო და თამაშის დასრულებამდე 5 წუთით ადრე შეცვალეს. ჩვენიანი აქტიური იყო, პირველ ტაიმში მასზე ლამის პენალტი დაინიშნა, გოლის ეპიზოდშიც მიიღ მონაწილეობა, მის დარტყმულს მოჰყვა ოსიმენის დამატება.

კვარა იტალიის ჩემპიონია

პორტალმა Sofascore-მა კვარას თამაში 6.9 ქულით შეაფასა, მეორე გამოცემა Whoscored-მა კი ხვიჩას 6.7 ქულა დაუწერა. ორივე პორტალის მიხედვით, მატჩის საუკეთესო მოთამაშედ ვიქტორ ოსიმენი დასახელდა.