ჟორჟმა დაიწყო: მიქაუტაძემ დუბლი შეასრულა

გიორგი მიქაუტაძემ უიღბლო სერია უკან მოიტოვა და „ლიონში“ საუკეთესო შეხვედრა ჩაატარა. ქართველმა ფორვარდმა „ოსერის“ წინააღმდეგ დუბლი შეასრულა. ეს მისთვის ახალ გუნდში პირველი გოლებია.

მე-9 ტურის მატჩში მიქაუტაძე ძირითად შემადგენლობაში ალექსანდრ ლაკაზეტის ნაცვლად დადგა და 78-ე წუთზე შეცვალეს.

გიორგიმ 41-ე წუთზე პენალტი მოიპოვა. მომენტი VAR-ზე გადაამოწმეს, მაგრამ ეს იმდენს ხანს გაიწელა, რომ, პირველ ტაიმს 15 წუთი დაემატრა. მიქაუტაძემ ცენტრში დაარტყა და გაიტანა.

ამის შემდეგ ჩვენიანმა კიდევ ორჯერ სცადა გატანა, მაგრამ მიზანს ვერ მიაღწია.

62-ე წუთზე მიქაუტაძემ საიდ ბენრაჰმას ჩაწოდების შემდეგ თავით კუთხიდან, ძელთან მყოფმა შორეულ კუთხეში შეაგდო და გუნდი ისევ წინ გაიყვანა.

ლიონი – ოსერი 2:2
გოლები: 1:0 მიქაუტაძე (45+5, პენ), 1:1 დიომანდე (47), 2:1 მიქაუტაძე (62), 2:2 ტრაორე (72)

„ლიონი“ 14 ქულით მე-7 ადგილზეა და 2 ნოემბერს გასვლაზე „ლილს“ შეხვდება.