პსჟ-მა ახალი ფორმა წარადგინა: ის პარიზის არქიტექტურას ეძღვნება

პსჟ-მ 2025/26 წლების სეზონის საშინაო ფორმა წარადგინა.

პარიზული კლუბი საკლუბო მსოფლიო თასზე პირველად ითამაშებს Nike-ის ახალი ეკიპირებით.

„კიდევ უფრო ლეგენდარული, ვიდრე ოდესმე. პსჟ-ს საკულტო საშინაო ფორმა წარმოდგენილია მუქი ლურჯით, კაშკაშა წითელი და თეთრი აქცენტებით და ბადისებრი გრაფიკით, რომელიც პატივს მიაგებს ქალაქის არქიტექტურულ მემკვიდრეობას.
დიზაინი კლუბის პარიზულ იდენტობასა და მემკვიდრეობას განასახიერებს. დიდი პარიზის ქუჩებიდან „პარკ დე პრენსის“ ტრიბუნებამდე, ეს მაისური უბრალოდ ფორმაზე მეტია. ეს არის იმ თაობის ფორმა, რომელიც ფეხბურთს კულტურად და ერთგულებად აღიქვამს“, – ნათქვამია პსჟ-ს განცხადებაში.