ოქროს ბურთს მესი აიღებს: არგენტინელი ჯერჯერობით სიაში პირველია

საიტმა Goal.com-მა წლევანდელი „ოქროს ბურთის“ პრეტენდეტების რეიტინგი გამოაქვეყნა.

ლიდერობს პსჟ-ს თავდამსხმელი ლიონელ მესი, რომელმაც 2021 წელს 40 გოლი გაიტანა და 14 საგოლე პასი გააკეთა. მან კოპა ამერიკა და ესპანეთის თასი მოიგო.

მეორე ადგილზეა „ბაიერნის“ გოლეადორი რობერტ ლევანდოვსკი. 2012-ში პოლონელმა 54 გოლი გაიტანა და 8 სხვას გაატანინა, ასევე მოიგო ბუნდესლიგა, მსოფლიო საკლუბო ჩემპიონატი და გერმანიის სუპერთასი.

მესამეა „ჩელსის“ ნახევარმცველი ჟორჟინიო. მან 7 გოლი გაიტანა და 3 ასისტი გააკეთა, ასევე გახდა ევროპის ჩემპიონატი, ჩემპიონთა ლიგა და უეფას სუპერთასი.

რეიტინგში მეოთხეა ნგოლო კანტე („ჩელსი“) და მოყვებიან – ქარიმ ბენზემა („რეალი“), კილიან მბაპე (პსჟ), რომელუ ლუკაკუ („ჩელსი“), ერლინგ ჰაალანდი („ბორუსია დორტმუნდი), კრიშტიანო რონალდო („მანჩესტერი“), კევინ დე ბრუინი („სიტი“).

„ოქროს ბურთის“ გადაცემის ცერემონია 29 ნოემბერს პარიზში გაიმართება.