ოფიციალურად დადასტურდა: ვახტანგ სალიას ნიუკასლში მიდის

თბილისის “დინამოს” ოფიციალური ფეისბუქგვერდი ინფორმაციას ავრცელებს ვახტანგ სალიას “ნიუკასლში” ტრანსფერთან დაკავშირებით:

“დინამო თბილისის” აკადემიის აღზრდილი, ვახო სალია, კარიერას “ნიუკასლ იუნაიტედში” გააგრძელებს. ვახო ინგლისურ გუნდს 2025 წლის ზაფხულიდან შეუერთდება, მანამდე კი თბილისურ კლუბთან ერთად განაგრძობს დასახული მიზნებისთვის ბრძოლას”.

დინამო თბილისსა და ინგლისურ ნიუკასლ იუნატედს შორის მოლაპარაკებები წარმატებით დასრულდა, ვახტანგ სალია ბრიტანულ კლუბს 2025 წლის ზაფხულიდან შეუერთდება.

სალია დინამო თბილისის აკადემიის აღზრდილია, 17 წლის თავდამსხმელი თბილისურ კლუბში 2017 წელს ჩაირიცხა. მან აკადემიის თითქმის ყველა ასაკობრივ გუნდში იასპარეზა და 2023 წელს 16 წლის ასაკში პირველ გუნდში ჰქონდა დებიუტი. აქედან მოყოლებული დღემდე დინამოს პირველ გუნდში ვახტანგ სალიამ 31 მატჩი გამართა, 6 გოლი გაიტანა და 2 საგოლე გადაცემა შეასრულა.

ნიუკასლ იუნაიტედში გადასვლამდე სალია დინამო თბილისში რჩება და დასახული მიზნებისთვის ბრძოლას თბილისურ კლუბთან ერთად გააგრძელებს.