ნაპოლი კვარას ვერ შეინარჩუნებს

Cronache di Napoli-ს საფეხბურთო მიმომხილველმა მარჩელო ალმატურამ რადიო Napoli Centrale-ს ეთერში „ნაპოლისა“ და ხვიჩა კვარაცხელიას შესახებ ისაუბრა:

„ფლორენციაში „ნაპოლიმ“ შესანიშნავი გამარჯვება მოიპოვა. ამის გაკეთება სამი მნიშვნელოვანი ფეხბურთელის გარეშე ყველას როდი შეუძლია. დარწმუნებული არ ვარ, რომ სატრანსფერო ფანჯარაზე ბევრი მოთამაშის შეძენა სჭირდებათ, ვინაიდან ამან შეიძლება კონტეს შექმნილი ბალანსი დაარღვიოს. უფრო, ალბათ, ვინმეს საზღვარგარეთული კლუბიდან თუ დაიმატებენ. „ინტერი“ სერია A-ში საუკეთესოა, მაგრამ ფეხბურთელთა საშუალო ასაკი ძალიან მაღალია, თანაც რამდენიმე ტურნირზე გამოდის და არაა გამორიცხული, ხშირად ფიზიკური პრობლემები შეექმნათ.

კვარაცხელია? ფიზიკურად და მენტალურად
ჩიხში შევიდა. მე ვთვლი, რომ ის გუნდის რეალობისთვის უკვე შეუსაბამოა, რადგან მოედანზე ნაკლებად კონცენტრირებულია. კლუბმა ძალიან ცუდად გამოიყენა ქართველთან კონტრაქტის გახანგრძლივების შესაძლებლობა და როგორც ჩანს, ვერ შეინარჩუნებს. არ მგონია კვირას „ნაპოლის“ „ვერონასთან“ დიდი სირთულეები შეექმნას. შესაძლოა, სასტარტოში ნერესი და „კვარა“ ისევ ერთად ვიხილოთ“.

–

იტალიის ნაკრების ყოფილმა თავდამსხმელმა ანტონიო კასანომ Viva el Futbol-ის პოდკასტში “ნაპოლისა” და ხვიჩა კვარაცხელიას შესახებ ისაუბრა:

“მე დარწმუნებული ვარ, კონტეც გახარებულია, რომ კვარაცხელია ახლა მწყობრში არ არის. ჩემი აზრით, ის და ლობოტკა “ნაპოლიში” საუკეთესოები არიან, მათ ჭკუიდან გადავყავარ. სიგიჟეა, მაგრამ კონტეს იმ იდეისთვის, რომელსაც ვხედავ, ახლა ყველა აკეთებს იმას, რაც მას სურს. ნერესს ხან მარჯვნივ აყენებს და ხან მარცხნივ. “კვარა” ხანდახან მოედანზე ისე მოქმედებს, რაც კონტეს იდეისთვის შეუსაბამოა. მწვრთნელს უწევს იმაში დაარწმუნოს, რაც მისთვის მიუღებელია და ცდილობს შეცვალოს.

კონტემ იცის, რას აკეთებს და გუნდს აგრძნობინებს, რომ თუ მოუსმენენ, შესანიშნავ შედეგებს შეუძლიათ მიაღწიონ. აპრილამდე გუნდი ლიდერებს შორის იქნება და სხვებს შიში ექნებათ, თუმცა კვარაცხელიას დაბრუნება აუცილებელი გახდება და ლუკაკუც უნდა გაუმჯობესდეს. ბოლო მატჩებში ნერესი საუკეთესო იყო. ლუკაკუ ბურთს მაინც იჭერდა. ამაზე არავინ არაფერს ლაპარაკობს – ჟუან ჟეზუში ერთი თვეა ძირითადში თამაშობს და ამ პერიოდში გუნდმა მხოლოდ ერთი გოლი გაუშვა”.

sportall.ge