ნაკრები ბათუმში მიდის: საღამოს ვარჯიშია, მანამდე პრესკონფერენცია

დღეს, საქართველოს ნაკრები ბათუმში მიემგზავრება, სადაც უკრაინასთან შეხვედრის მასპინძელ აჭარაბეთ არენაზე მატჩისწინა ვარჯიშს გამართავს – 17:00 საათზე. საწვრთნელი პროცესის დაწყებამდე გაიმართება საქართველოს ნაკრების მთავარი მწვრთნელის მატჩისწინა პრესკონფერენცია – 16:30 საათზე.

ნაკრებმა ერთა ლიგის ნოემბრის მატჩებისთვის მზადების ფარგლებში, საგურამოში დასკვნითი ვარჯიში გამართა.

ჩვენების შემდეგ ასპარეზი მეტოქეს დაეთმობა.
18:30 საათზე უკრაინის ნაკრების მწვრთნელის პრესკონფერენციაა, ხოლო 19:00 საათზე უკრაინის ნაკრების ვარჯიში დაიწყება.

შეგახსენებთ, ერთა ლიგის მე-5 ტურის შეხვედრა საქართველოსა და უკრაინის ნაკრებებს შორის შაბათს, 16 ნოემბერს, 21:00 საათზეა.

საქართველოს 6 ქულა აქვს და მე-2 ადგილზეა, უკრაინა 4 ქულით ჯგუფში ბოლოა.