მიქაუტაძის გადაბირება ბრენტფორდსაც უნდა

„ლიონის“ თავდამსხმელით, გიორგი მიქაუტაძით, „ვილეარეალის“ გარდა, ინგლისური „ბრენტფორდიც“ დაინტერესდა, – ინფორმაციას Foot Mercato ავრცელებს.

„გიორგი მიქაუტაძისთვის სატრანსფერო ბრძოლაში „ბრენტფორდი“ ჩაერთო. „ლიონის“ 24 წლის ქართველი თავდამსხმელი გასულ სეზონში გუნდის საკვანძო ფიგურა იყო – ყველა ტურნირზე ჩატარებულ 49 მატჩში 18 გოლი გაიტანა და ცხრა საგოლე გადაცემა შეასრულა. მიუხედავად გუნდისთვის მისი მნიშვნელობისა, „ლიონის“ არასტაბილურმა ფინანსურმა მდგომარეობამ კლუბი აიძულა, ყველაზე ძვირფასი აქტივები გაყიდოს.

კლუბს ფეხბურთელების გაყიდვიდან დაახლოებით 40 მილიონ ევროს მიღება სურს, მიქაუტაძე კი ერთ-ერთი ყველაზე მოთხოვნადი მოთამაშეა, განსაკუთრებით მალიკ ფოფანას ბოლოდროინდელი გადაწყვეტილების გათვალისწინებით, დარჩეს კლუბში.

ლა ლიგის კლუბმა, „ვილეარეალმა“ უკვე გამოხატა ინტერესი და ქართველ თავდამსხმელში 30 მილიონი ევროს გადახდას აპირებს.

მიუხედავად იმისა, რომ „ბრენტფორდმა“ რამდენიმე მნიშვნელოვანი ფიგურა დაკარგა, კიტ ენდრიუსის ხელმძღვანელობით ახალ სეზონს კარგად იწყებს. პრემიერლიგაში „ნოტინგემთან“ პირველი მატჩი წააგო, მაგრამ შემდეგ „ასტონ ვილასთან“ გაიმარჯვა“, – წერს Foot Mercato.

1tv.ge