მიქაუტაძე ვილიარეალში გადაწყვეტილიაო

ევროპული მედია აჭრელებულია ინფორმაციებით, გიორგი მიქაუტაძის მომავალთან დაკავშირებით, რომელიც “ვილიარეალს” უკავშირდება – ვალენსიურ კლუბს, რომელმაც ბრწყინვალედ დაიწყო ლა ლიგის ახალი სეზონი და 2 ტურის შემდეგ 6 ქულა აქვს (ბურთები – 7:0).

როგორც წერენ, ჟორჟმა “ვილიარეალთან”, რომელსაც 60 წლის მარსელინო გარსია ტორალი ავარჯიშებს, პერსონალური კონტრაქტი შეათანხმა და, დიდი ალბათობით, აღარც კლუბებს შორის გარიგებას დაუდგება წინ რამე. სატრანსფერო ფანჯარა 1 სექტემბერს იხურება. “ლიონს” კი სასწაფოდ სჭირდება 40 მილიონი ევროს მობილიზება.

ყველაფერთან ერთად, “ვილიარეალში” გადასვლას მიქაუტაძისთვის ერთი დიდი პლუსი აქვს – “ყვითელ წყალქვეშა ნავი” ჩემპიონთა ლიგის ჯგუფურ ეტაპზე ითამაშებს და საქართველოს ნაკრების ფორვარდს ისეთ კლუბებთან მოუწევს დაპირისპირება, როგორებიც არიან “დორტმუნდი”, “მანჩესტერ სიტი”, “იუვენტუსი”, “ტოტენჰემი”, მისი ყოფილი “აიაქსი”…

ასე რომ, გიორგი მამარდაშვილის წასვლის შემდეგ ლა ლიგაში, დიდი ალბათობით, კვლავ გვეყოლება ქართველი. დაველოდოთ ოფიციალურ ინფორმაციას…

–

სულ ბოლო ინფორმაცია – ცნობილი ინსაიდერი საშა ტავოლიერი X-ის (“ტვიტერი”) საკუთარ გვერდზე წერს, რომ მიქაუტაძის ტრანსფერი “ვილიარეალში” გადაწყვეტილია. მოსაგვარებელი დარჩა მხოლოდ ფორმალური დეტალები.

მისივე თქმით, საქართველოს ნაკრების ფორვარდისთვის შაბათს უკვე ჩანიშნულია სამედიცინო შემოწმება. ჟორჟი “ვილიარეალთან” 5-წლიან კონტრაქტს გააფორმებს, ხოლო “ლიონი” 25 მილიონ ევროს და კიდევ 5 მილიონის ბონუსებს მიიღებს.

lelo.ge