მიქაუტაძემ ისევ შეცვლაზე ითამაშა, ლიონმა ბოლო წუთზე გაუშვა მოგება

„ლიონმა“ ქულები დაკარგა – შეიძლება ასეც ითქვა, რადგან გამათანაბრებელი გოლი ბოლო წუთზე გაუშვა და სტუმრად „ნანტთან’ 1:1 ითამაშა.

გიორგი მიქაუტაძემ ისევ შეცვლაზე ითამაშა. ჩვენიანი 64-ე წუთზე შეუშვეს.
რეალური საგოლე არ ეთქმის, მაგრამ ორი კარგი ეპიზოდი ჰქონდა. შეფასებები ასეთია: Flashscore – 6.1; Sofascore – 6.6; Whoscored – 5.9.

ნანტი – ლიონი 1:1
გოლები: 0:1 ნუამა (10), 1:1 მოჰამედი (90)

„ლიონმა“ ყველა ტურნირზე ზედიზედ 5 მატჩი ვერ მოიგო, ზედიზედ მეოთხედ ითამაშა ფრედ, 30 ქულით მე-6 ადგილზეა და მომდევნო მატჩს 31 იანვარს, ევროპა ლიგაზე შინ „ლუდოგორეცთან“ ჩაატარებს.