მიქაუტაძემ თასზე ისევ გაიტანა, მაგრამ ლიონი მეხუთელიგელმა გააგდო

გიორგი მიქაუტაძემ საფრანგეთის თასის 1/16 ფინალში „ბურჟუან-ჟალეს“ გაუტანა, მაგრამ „ლიონი“ რანგით მეხუთე ლიგის გუნდთან პენალტების სერიაში დამარცხდა (2:4) და გავარდა.

„ლიონი“ მეორე ტაიმში გავიდა წინ. მიქაუტაძემ 64-ე წუთზე გაიტანა, რითიც თასზე ზედიზედ მეორე შეხვედრაში გამოიჩინა თავი. თუმცა, ერთ წუთში მწვრთნელმა ის შეცვალა.

მიმდინარე სეზონში ქართველის ანგარიშზე ყველა ტურნირზე 23 მატჩში 8 გოლი და 1 საგოლე პასია.

ბურგუან-ჟალე – ლიონი 2:2 (პენ 4:2)
გოლები: 1:0 მუჟეცკი (20), 1:1 მატიჩი (45), 1:2 მიქაუტაძე (64), 2:2
მუჟეცკი (69)

„ლიონი“ მომდევნო მატჩს 19 იანვარს ჩაატარებს და ჩემპიონატის მე-18 ტურში „ტულუზას“ უმასპინძლებს.