მილუოკი დამარცხდა, სანდროს არ უთამაშია

გამთენიისას NBA-ში არაერთი მატჩი გაიმართა, მათ შორის, სანდრო მამუკელაშვილის “მილუოკისა” და “ჰიუსტონის” დაპირისპირება. “ბაქსი”, სტუმრად, 92:97 დამარცხდა და ქართველს მატჩში მონაწილეობა არ მიუღია.

იანისის 16 ქულა საამაყო ვერაა, მაგრამ ბერძენმა 18 მოხსნაც მოინაგრა, რაც მშვენიერი შედეგია. იანისმა კარიერაში 15000 ქულიან ნიშნულს გადააბიჯა.

მძიმე გამარჯვება მოიპოვა “ლეიკერსმა”, რომელიც “დეტროიტს” ესტუმრა და 124:117 გაიმარჯვა. შესანიშნავი მატჩი ჰქონდათ ლებრონ ჯეიმსსა და ენტონი დეივისს. მეფემ, 35 ქულას 5 მოხსნა და 5 ასისტი წაამატა, ხოლო დეივისის ანგარიშზე 34 ქულა და 15 მოხსნა იყო.

“ნიუ ორლეანსი” 129:124 (ოტ) “ფინიქსი”

“ნიუ იორკი” 112:99 “საკრამენტო”

“ორლანდო” 111:99 “ტორონტო”

“ფილადელფია” 131:113 “შარლოტი”

“ატლანტა” 123:122 “ჩიკაგო”