Vakhtang Daraselia
გიორგი მამარდაშვილმა მაგარი მატჩი ჩაატარა თვით „ბარსელონასთან“ შეხვედრაში და პირდაპირ შეიძლება ითქვას, რომ „ვალენსიას“ მიერი მოპოვებული ქულა სწორედ ქართველი მეკარის დამსახურებაა. ჩვენიანმა არაერთხელ იხსნა გუნდი, ხოლო ანგარიშის გათანაბრების შემდეგ პირისპირ დარჩებილ სტუმართა შემტევებს ორჯერ არ გაატანინა.
მამარდაშვილმა ვალენსიას ბარსელონასთან არ წააგებინა: გიორგის მაგარი მატჩი
მატჩის შემდეგ მამარდაშვილმა მცირე კომენტარი გააკეთა, რაც „ვალენსიას“ ოფიციალურ გვერდზე დევს.
„მატჩის ყველაზე ღირებული მომენტი? მთლიანი თამაში, რადგან ასეთ დიდ გუნდთან ფრე ჩვენთვის ძალიან მნიშვნელოვანია და ბედნიერები ვართ. სასურველი შედეგის მისაღწევად დიდი ძალისხმევა დაგვჭირდა.
ყველა ფეხბურთელმა უდიდესი სამუშაო შეასრულა, რადგან ადვილი არ არის „ბარსელონას“ წინააღმდეგ თამაში, როდესაც მეტოქე 90 წუთის განმავლობაში წნეხში გაქცევს. ძალიან მნიშვნელოვანი იყო გულშემატკივრის თანადგომა.
მოხარული ვარ, თუ გუნდს ვეხმარები, მეტი არაფრის თქმა არ შემიძლია საკუთარ თავზე. „მესტალიაზე“ გამოსვლა არა მხოლოდ გუნდისთვის, პირადად ჩემთვისაც უფრო ადვილია, რადგან ქომაგების მხარდაჭერა ნებისმიერ მეტოქესთან ძალიან გვეხმარება“, – განაცხადა გიორგი მამარდაშვილმა.
GIPHY App Key not set. Please check settings