მესი ამერიკაში პირველი კაცი გახდა: ლეო ყველაზე პოპულარულია და შესანიშნავ შვიდეულს აჯობა

ლეო მესი აშშ-ს ყველაზე პოპულარულ სპორტსმენად აღიარეს.

არგენტინელმა, რომელიც „ინტერ მაიამიში“ 2023 წლის ზაფხულიდან გამოდის, პირველი ადგილი დაიკავა SSRS-ის მიერ ორგანიზებული კვლევების შედეგებით. კომპანია თითქმის 30 წლის განმავლობაში ყოველთვიურად სთხოვს რესპოდენტებს დაასახელონ საყვარელი პროფესიონალი სპორტსმენი და შემდეგ შედეგებს კვარტლების მიხედვით ალაგებს.

მესი რონალდოზე 4-ჯერ პოპულარულია, ოღონდ ამერიკაში

მესის MLS-ში გადასვლამდე სხვადასხვა დროს საუკეთესო მხოლოდ შვიდი სპორტსმენი ხდებოდა: მაიკლ ჯორდანი, ტაიგერ ვუდსი, პეიტონ მენინგი, კობი ბრაიანტი, სტეფ კარი, ლებრონ ჯეიმსი და ტომ ბრედი.

მესი ყველაზე პოპულარული 2023 წლის მეოთხე კვარტლის მიხედვით გახდა და ამასთან პირველი ფეხბურთელია, რომელიც ამ რეიტინგს სათავეში მოექცა.

2023 წლის პირველ კვარტალში ლიდერი ბრედი იყო, მეორე-მესამეში – ჯორდანი.

მესის ტრანსფერის შემდეგ ამერიკელების საყვარელი კლუბი „ინტერ მაიამი“ გახდა, რომელმაც „ლოს ანჯელეს გალაქსს“ გაასწრო. „ინტერი“ საერთო ჩამოთვალაში მე-4 ადგილზე გადავიდა. მასზე უფრო პოპულარულები არიან მხოლოდ „ბარსელონა“, „რეალი“ და „მანჩესტერი“.