მაჭარაშვილი ნახევარფინალშია

გივი მაჭარაშვილი ოლიმპიური თამაშების ნახევარფინალშია.

პარიზის ოლიმპიურ თამაშებზე მეორე შეხვედრა ჩაატარა საქართველოს თავისუფალი სტილით მოჭიდავე გივი მაჭარაშვილმა (97 კგ).

ქართველ ფალავანს მეოთხედფინალში მეტოქედ ერგო უკრაინის სახელით მოასპარეზე მურაზ მჭედლიძე.

მაჭარაშვილმა შეხვედრა 11-0 მოიგო და ნახევარფინალური საგზური მოიპოვა.

ნახევარფინალურ შეხვედრაში მისი მეტოქე იქნება აზერბაიჯანელი მაგომედხან მაგომედოვი.