მამუკელაშვილის ორმაგი დუბლი და მოგებული თამაში

სანდრო მამუკელაშვილმა G ლიგაში კიდევ ერთი კარგი მატჩი ჩაატარა. “ვისკონსინ ჰერდმა” “ვესჩესტერ ნიქსს” უმასპინძლა და 127:118 დაამარცხა.

მამუკელაშვილმა 36 წუთი ითამაშა და 20 ქულის მოგროვება შეძლო (8/17). ქართველს ასევე 12 მოხსნა (3 მეტოქის ფარზე), 5 შედეგიანი პასი, 1 ჩაჭრა და 2 დაფარება დაუგროვდა.

“ვისკონსინი” 4 გამარჯვებითა და 4 წაგებით აღმოსავლეთ კონფერენციაში მე-9 ადგილს იკავებს, პლეი-ოფში კი საუკეთესო 6-ეული გადის.