მამარდაშვილი საუკეთესო იყო, ვალენსიამ ბარსასთან მაინც წააგო

ესპანეთის ჩემპიონატი დაიწყო და გიორგი მამარდაშვილი „ვალენსიას“ უკვე პირველ ტურში „ბარსელონა“ შეხვდა და 1:2 წააგო. სხვათა შორის, მატჩამდე იყო ვარაუდი, რომ შესაძლოა ჩვენ მეკარეს არ ეთამაშა, მაგრამ კარში სწორედ მამარდა ჩადგა. და მშვენივრადაც ითამაშა.

გიორგის ჰქონდა 6 სეივი, ერთი საკმაოდ რთული იყო და ერთიც “მკვდარ ბურთს” რომ ეძახიან ისეთი.

პირველ გაშვებულ გოლზე ალბათ შეიძლებოდა უკეთესი პოზიციის შერჩევა, მეორე ბურთი კი პენალტით გაუშვა. ორივე ბურთი ლევანდოვსკიმ გაუტანა, 11-მეტრიანი პირდაპირ ცხრიანში მოარტყა.

გიორგი შეფასებებით თავის გუნდში საუკეთესოა: Flashscore.com – 7.0; Sofascore.com – 7.1; Whoscored.com – 6.5.