მამარდაშვილი ლივერპულის მეკარეა: შეთანხმება შედგა – ეს სეზონი ვალენსიაში

„ვალენსიასა“ და „ლივერპულს“ შორის გიორგი მამარდაშვილის ტრანსფერზე შეთნხმება შედგა. ინფორმაციას ისევ ცნობილი ჟურნალისტი ფაბრიციო რომანო ავრცელებს.

მისი მონაცემებით, „ვალენსია“ 35 მილიონ ევროს მიიღებს. გარდა ამისა, მომავალი ტრანსფერიდან კიდევ 10% ერგება.

გასარკვევი დარჩა მხოლოდ მცირედი დეტალები თანხის გადახდის პირობებთან დაკავშირებით.

შეთანხმების მიხედვით, მამარდაშვილი მიმდინარე სეზონს იჯარის წესით „ვალენსიაში“ გაატარებს, „ლივერპულს“ კი 2025 წლიდან შეუერთება.

4.5 მილიონი ევრო წლიური ანაზღაურება და 5-წლიანი კონტრაქტი – ასეთია ფეხბურთელის და „ლივერპულის“ შეთანხმება.