Vakhtang Daraselia
საქართველომ პორტუგალიას მოუგო ევრო 2024-ის ჯგუფის ბოლო მატჩში და პლეი-ოფში გავიდა. ამაში უდიდესია მეკარე გიორგი მამარდაშვილის წვლილი.
ქართველმა მეკარემ სამ ტურში 3.6 გოლისგან იხსნა კარი – ეს გახლავთ 21-ე საუკუნეში ევროპის ჩემპიონატების ჯგუფური სტადიის რეკორდი.
გარდა ამისა, გიორგი მამარდაშვილმა ევროპის ჩემპიონატების ჯგუფურ ეტაპზე სეივების რეკორდი გაიმეორა.
ჯამში ჩვენიანმა 21 სეივი მიითვალა და ალეკსანდრ კოლინკოს რეკორდი გაიმეორა, რომელიც ლატვიელმა მეკარემ 2004 წლის პირველობაზე დაამყარა.
ერთ მატჩში სეივების რეკორდი ისევ კოლინკოს ანგარიშზეა – 12 მოგერიება 2004 წლის ევროზე ნიდერლანდებთან.
GIPHY App Key not set. Please check settings