მადრიდში ხალხი ფეხბურთზე სულ დადის: რეალი გაყიდული აბონემენტების ლიდერია

მადრიდის „რეალი“ და მადრიდის „ატლეტიკო“ მნიშვნელოვნად უსწრებენ სხვცა გუნდებს გაყიდული აბონემენტების რაოდენობით.

Diario Sport იუწყება, რომ მოქმედმა ჩემპიონებმა 60 707 აბონემენტი გაყიდეს. „ატლეტიკომ“ – 60 285.

მესამე ადგილზეა „ბეტისი“ (50 741), შემდეგ მოდიან „ატლეტიკი“ (43 649), „სევილია“ (39 500) და „რეალ სოსიედადი“ (38 000).

„ბარსელონა“ მე-15 ადგილზეა 22 600 აბონემენტით. ეს ალბათ იმის ბრალია, რომ გუნდი არ თამააშობს მშობლიურ „კამპ ნოუზე“, რომელიც რეკონსტრუქციაზეა. გუნდის საშნაო შეხვედრებს 49 ათასიან ოლიმპიურ სტადიონზე ატარებს.