ლუკა მატკავა ფრანგულ გრანდში გადავიდა

22 წლის ლუკა მატკავა კარიერას “შავი ლომიდან” ფრანგულ გრანდ “მონპელიეში” გააგრძელებს. ინფორმაციას სარაგბო რეპორტიორი ტატო ნიკურაძე ავრცელებს.
მისი ცნობით, 22 წლის ქართველი მორაგბე ფრანგულ კლუბთან 2-წლიან კონტრაქტს გააფორმებს.

წყაროს ცნიბითვე, ლუკას გადაბირება ფრანგულ “აჟენსაც” სურდა, მაგრამ ტრანსფერი ბოლო მომენტში ჩაიშალა.

ლუკა ფოთის “კოლხი რაინდების” სარაგბო სკოლის აღზრდილია – ასევე, მარნეულის “არმაზის” და “შავი ლომის” ღირსებას იცავდა.