ლუკა ლაცაბიძე იჯარით დანიაში წავიდა

თბილისის „დინამოს“ მცველი ლუკა ლაცაბიძე დანიის სუპერლიგის „ვეილეში“ გადადის და იქ 6-თვიანი იჯარით ითამაშებს. ოღონდ, “ვეილეს” მისი გამოსყიდვის უფლება არ ექნება. სეზონის დასრულების შემდეგ ლაცაბიძე “შახტარს” დაუბრუნდება.

ლუკა ახალ გუნდში 15-ნომრიანი მაისურით ითამაშებს.

საქართველოს ახალგაზრდული ნაკრების წევრის ტრანსფერი დონეცკის „შახტარს“ ეკუთვნის.

მანამდე „შახტარს“ ლა ლიგა 2-ის „კადისი“ სთავაზობდა იჯარას, მაგრამ შეთანხმება ბოლომდე ვერ მივიდა.

გასული სეზონი ლაცაბიძემ „დინამოში“ ასევე იჯარით ჩაამთავრა.

„ვეილეში“ საქართველოს ახალგაზრდული ნაკრების კიდევ ერთი მცველი გიორგი ტაბატაძე თამაშობს.

კლუბი 12-გუნდიან ჩემპიონატში, 18 ტურის შემდეგ 13 ქულით ბოლო ადგილზეა და მომდევნო შეხვედრა პრინციპული უწევს: მის წინ მყოფ, 14-ქულიან „ფრედერიკესთან“.