ლოჩოშვილის დებიუტი გერმანიაში: ნიურნბერგმა პირველი წააგო

ლუკა ლოჩოშვილს დებიუტი ჰქონდა „ნიურნბერგში“, რომელიც მეორე ბუნდესლიგის პირველ ტურში „ელვერსბერგს“ ესტუმრა და ბოლო წუთზე გაშვებული გოლით დამარცხდა – 0:1.

ქართველი მცველი ძირითად შემადგენლობაში იყო და ბოლომდე ითამაშა.

ჩვენიანმა არცთუ ურიგოდ ითამაშა, რაზეც მისი შეფასებები მოწმობს: თანაგუნდელებს შორის მეორე ყველაზე მაღალი შეფასება მიიღო – flashscore 7.1, sofascore 6.9.

ელვერსბერგი – ნიურნბერგი 1:0
გოლი: რორი (90)

მომდევნო მატჩს „ნიურნბერგი“ 8 აგვისტოს საკუთარ მოედანზე „დარმშტადტთან“ ჩაატარებს.