ლევანტემ მოგება ხელიდან გაუშვა, ქოჩორამ კარგად ითამაშა

გიორგი ქოჩორაშვილის „ლევანტე“ „კორდობას“ ესტუმრა და გამარჯვება ხელიდან გაუშვა – 2:2.
საინტერესოა, რომ თავად ვალენსიელები უკვე კომპენსირებულ დროში დაწინაურდნენ, 90+2-ე წუთზე გაიტანეს, მაგრამ ხუთ წუთში გაუშვეს.

35 ტურის შემდეგ „ლევანტე“ 63 ქულით ლიდერ „ელჩეს“ დაეწია, მაგრამ კონკურენტს თავისი მატჩი სათამაშო აქვს.

ქოჩორაშვილმა ტრადიციულად ბევრი იბრძოლა და სასარგებლო იყო, მან შეუცვლელად ითამაშა.
შეფასებები: Flashscore – 7.2; Sofascore – 7.0.

კორდობა – ლევანტე 2:2
გოლები: 0:1 ბრუგუე (17), 1:1 ორტისი (48), 1:2 ფორესი (90+2), 2:2 ალვეში (90+7)