ლეაოს ხვიჩა ჯობია, ბარსელონა კვარაცხელიასკენ უფრო იხრება

ესპანური Sport.es წერს, რომ “ბარსელონა” ზაფხულის სატრანსფერო ფანჯარაზე მარცხენა ფლანგზე შემტევის შეძენას შეეცდება და კატალონიურ გრანდს ორი არჩევანი აქვს.

“ბლაუგრანას” სიაში “ნაპოლის” ქართველი ვარსკვლავი ხვიჩა კვარაცხელია და “მილანის” პორტუგალიელი ვინგერი რაფაელ ლეაო არია, თუმცა თუ ჩვენ ესპანელ კოლეგებს დავუჯერებთ, პრიორიტეტული ხვიჩას ვარიანტი იქნება და ამას თავისი მიზეზებიც აქვს.

“ბარსელონაში” მიაჩნიათ, რომ კვარაცხელიას უფრო ნაკლებ ხელფასზე დაიყოლიებენ, “როსონერი” კი ლეაოს 150 მილიონზე ნაკლებად არ შეელევა და ქართველის შეძენა კი უფრო ნაკლებ ფასადაა შესაძლებელი.

შეგახსენებთ, რომ კვარაცხელიას აგენტი ამჟამად “ნაპოლისთან” კონტრაქტის გახანგლძრივების თაობაზე მოლაპარაკებებს აწარმოებს, თუმცა მხარეები ფეხბურთელის გამოსასყიდ თანხაზე შეთანხმებას ვერ ახერხებენ.