კიტე ტრავმირებულია: მკურნალობა დაიწყო, მოასწრებს ნაკრებამდე?

„შტურმმა“ ჩემპიონატის ბოლოს შეხვედრაში მნიშვნელოვანი გამარჯვება მოიპოვა, როდესაც შინ „რაპიდი“ 1:0 დაამარცხა. სამწუხაროდ, ოთარ კიტეიშვილი 83-ე წუთზე დაშავდა და შესაცვლელი გახდა.

კლუბის ოფიციალური საიტი ჩვენიანზე წერს, რომ ოთარმა კუნთის ტრავმის გამო ვარჯიშის გაგრძელება ვეღარ მოახერხა, ტომოგრაფიამ კი აჩვენა, რომ რამდენიმე კვირა დასვენება მოუწევს. მკურნალობა უკვე დაწყებულია.

შეგახსენებთ, საქაართველოს ნაკრები 28 მარტს ევროპის ჩემპიონატის შესარჩევ ციკლს იწყებს, ბათუმში ნორვეგიასთან და იმედია ნახევარდაცვაში ერთ-ერთი საკვანძო ფიგურა იმ დროისთვის მწყობრში იქნება.