კიტეიშვილი ავსტრიის ჩემპიონია

ოთარ კიტეიშვილი ზედიზედ მეორედ გახდა ავსტრიის ჩემპიონი.

ბოლო ტურში გრაცის „შტურმმა“ სანდრო ალთუნაშვილის „ვოლფსბერგერს“ უმასპინძლა, 1:1 ითამაშა და ეს ქულა ეყო პირველი ადგილისთვის..

ალთუნაშვილი დიდი ხნის პაუზის შემდეგ ძირითად შემადგენლობაში იყო და 75-ე წუთზე შეცვალეს (შეფასება – 6,8), ხოლო კიტეიშვილმა სრულად ითამაშა (შეფასება – 6.9).

შეგახსენებთ, სეზონის საუკეთესო ფეხბურთელი ოთარ კიტეიშვილი გახდა და ესეც ზედიზედ მეორედ. მან ამ სეზონში 33 მატჩში 12 გოლი გაიტანა და 5 საგოლე გადაცემა გააკეთა.

შტურმი – ვოლფსბერგერი 1:1
გოლები: 1:0 ბიოვინგი (45+1), 1:1 ბალო (67)

“შტურმმა” 40 ქულით პირველი ადგილი დაიკავა, მეორე ადგილზე 38 ქულით “ზალცბურგი” გავიდა, მესამეზე 37 ქულით ვენის “აუსტრია”, მეოთხეზე კი 37 ქულით “ვოლფსბერგერი”, რომელსაც დედაქალაქელებთან შედარებით უარესი დამატებითი მაჩვენებელი აღმოაჩნდა.