კვერნაძის გოლი მარტში საუკეთესოდ დაასახელეს

გიორგი კვერნაძის გოლი მარტის საუკეთესო გოლად აღიარეს. საუბარი ცხადია სერია B-ზეა.

„ფროზინონეს“ 21 წლის ქართველმა თავდამსხმელმა 15 მარტს „ბრეშას“ ულამაზესი ბურთი გაუტანა (2:1). მე-16 წუთზე მარცხენა ფლანგიდან საჯარიმოში ამოიწია, მცველებს შორის მყოფმა შორეულ კუთხეში, ზუსტად ცხრიანში ჩასვა.

ჩვენიანის ანგარიშზე სამი გოლი და სამი საგოლე პასია.

აღსანიშნავია, რომ ამ სამი გოლიდან ორი თვის საუკეთესო გოლად დაასახელეს: ჯერ დეკემბერში, ახლა კი მარტში.