კვარაცხელია საფრანგეთში ყველაზე ძვირადღირებული ფეხბურთელია

ხვიჩა კვარაცხელია თავისი ახალი კლუბის ყველაზე ძვირადღირებული ფეხბურთელია მიუხედავად იმისა, რომ ეს გუნდი გამოტენილია ვარსკვლავებით.

Transfermarkt-მა საფრანგეთში მოთამაშე ფეხბურთელების ფასები განაახლა. კვარას ღირებულება 5 მილიონი ევროთი შემცირდა და ახლა 80 მილიონია, მაგრამ მაინც დარჩა ყველაზე ძვირადღირებულ ფეხბურთელად.

რეიტინგში მეორე ადგილზე ხვიჩას თანაგუნდელი უსმან დემბელეა (75 მლნ), მესამეზე ასევე პსჟ-ელი ბრედლი ბარკოლა (70 მლნ).

გიორგი მიქაუტაძის და ზურიკო დავითაშვილის ფასი 2 მილიონით გაიზარდა. „ლიონელი“ ქართველი 20 მილიონი გახდა, ხოლო „სენტ-ეტიენის“ შემტევი ნახევარმცველი 10 მილიონი.