კარში ყველაზე მეტს რონალდო ურტყამს, მაგრამ რად გინდა

ევროპის ჩემპიონატზე კრიშტიანო რონალდო ყველაზე მეტს ურტყამს.

ამ მომენტისთვის პორტუგალიელმა ჯგუფური ეტაპის სამ მატჩში 12-ჯერ დაარტყა – 4-4-ჯერ მარცხენა და მარჯვენა ფეხით და თავით. ეს ყველაზე მეტია ამ ევროზე.

თუმცა რონალდოს ჯერ გოლი არ გაუტანია და ამაში ჩვენ მცველებს და მეკარე მამარდაშვილსაც „მიუძღვით ბრალი“. კრიშტიანოს ანგარიშზე ერთი საგოლე პასია.

Opta-მა ამ დარტყმების უმრავლესობა დაახარისხა როგორც არასახიფათო. მოსალოდნელი გოლების (xG) კოეფიციენტმა 1.1 შეადგინა.

1/8 ფინალში პორტუგალია სლოვენიას შეხვდება.